ළදරු ක්‍රීඩා ඇමතිගේ ළදරු තීරණ

0
464

ශ්‍රී ලංකා ක්‍රිකට් කණ්ඩායමේ ප්‍රධාන පුහුණුකරු කැමැත්තෙන් ඉවත් නොවන්නේ නම් පුහුණු කාර්ය මණ්ඩලය සඳහා ඔහුට ඉහළින් උපදේශකවරයකු පත් කිරීමට සිදුවන බව ක්‍රීඩා ඇමැති හරින් ප්‍රනාන්දු මහතා පවසනවා. එංගලන්තයේදී දැන් පැවැත්වෙන ලෝක කුසලාන ක්‍රිකට් තරගාවලියේ මූලික වටයෙන් ශ්‍රී ලංකාව පරාජයට පත්වීමෙන් පසුව ඇතිවී තිබෙන තත්ත්වය පිළිබඳව විමසුමකදී ඇමැතිවරයා එසේ පැවසුවා.

ලෝක කුසලාන තරගාවලිය නැරඹීමට එංගලන්තය බලා පිටත්ව ගොස් සිටි ක්‍රීඩා ඇමැතිවරයා අද (7) රාත්‍රීයේදී යළි දිවයිනට පැමිණීමට නියමිතව තිබුණා. ඒ අතර වාර්තා වන්නේ ලෝක කුසලාන තරගාවලියේ පරාජයෙන් පසුව ශ්‍රී ලංකා ක්‍රිකට් කණ්ඩායම සම්බන්ධයෙන් ඉදිරියේදී ගතයුතු ක්‍රියාමාර්ග ගණනාවක් පිළිබඳව ලන්ඩන් නුවරදී ක්‍රීඩා ඇමැතිවරයා හා ශ්‍රී ලංකා ක්‍රිකට් ආයතනයේ සභාපති ෂම්මි සිල්වා අතර විශේෂ සාකච්ඡාවක් පැවැත්වුණු බවයි.

කෙසේ වුවත් ඒ සම්බන්ධයෙන් දෙපාර්ශ්වය අතර වැඩි දුරටත් සාකච්ඡා ශ්‍රී ලංකා ක්‍රිකට් සභාපතිවරයා දිවයිනට පැමිණීමෙන් පසුව සිදු කිරීමට නියමිතයි. ක්‍රිකට් සභාපති ෂම්මි සිල්වා දිවයිනට පැමිණීමට නියමිතව ඇත්තේ මෙම 19 වැනිදායි. ඇමතිවරයා වැඩිදුරටත් පැවසුවේ අසන්ත මෙල් හා දැනට පත්ව සිටින තවත් එක් සාමාජිකයෙකු පමණක් හැරෙන්නට ක්‍රිකට් තේරීම් කමිටුවද ඉදිරියේදී වෙනසකට ලක් කරන බවයි.

ශ්‍රී ලංකා ක්‍රිකට් කණ්ඩායමේ ඉදිරි වෙනස්කම් පිළිබඳව ඇමතිවරයා මෙසේද පැවසුවා. “ලෝක කුසලාන තරගාවලිය අවසන් වනතුරු තමයි මමත් බලා හිටියේ. දැන් කණ්ඩායම් වෙනස්කම් කරන්න හොඳම වෙලාවයි… නමුත් මම ක්‍රිකට් පරිපාලනයට ඇඟිලි ගහන්න යන්නෙ නෑ. ශ්‍රී ලංකා ක්‍රිකට් කණ්ඩායමට ක්‍රීඩා ඇමතිවරයාටවත් ඇඟිලි ගහන්න බැරි ස්ථිර මෙහෙයුම් කමිටුවක් පත් කරන්න මම බලාපොරොත්තු වෙනවාග

සංගක්කාර, මහේල වගේ මේ රටේ ඉහළින්ම පිළිගත් ක්‍රිකට් ප්‍රවීනයන් මේ කමිටුවේ තියන්න මම තවදුරටත් බලාපොරොත්තු වෙනවා. ශ්‍රී ලංකා කණ්ඩායමේ දැන් ඉන්න පුහුණුකරුවන් වගේම උපදේශකයන් බහුතරයකට ලෝක කුසලානෙන් පස්සේ ඉවත් වෙන්න සිදුවේවි. විශේෂයෙන්ම දැන් කණ්ඩායමේ ඉන්න පන්දු යවන්නන්ගේ පුහුණුකරුගේත් පිතිකරුවන්ගේ පුහුණු කරුගේත් සේවය තවදුරටත් දීර්ඝ කරන්න අප බලාපොරොත්තු වෙන්නේ නෑ.

ප්‍රධාන පුහුණුකරු ඉවත් වෙන්න සූදානම් නැතිනම් අපිට බලෙන් ඔහු ඉවත් කරන්නත් බෑ. හැබැයි අපිට එහෙම උනොත් අනිවාර්යයෙන්ම ඔහුට ඉහළින් තවත් පුහුණුකරුවෙකු වන උපදේශකවරයකු පත් කරන්න සිද්ද වෙනවා.මා හිතනවා ලෝක කුසලාන තරග අවසානයත් එක්ක අසංක ගුරුසිංහ මහතාගේ ශ්‍රී ලංකා කණ්ඩායමේ සේවයත් අවසන් කරන්න.

ලෝක කුසලාන තරගාවලියේදී අපි අවනම්බු සහගත පරාජයක් ලැබුවා කියලා මා හිතන්නෙ නෑ. අපි ගොඩක්ම පසුබෑමක් ලබාගත් කණ්ඩායමක් කියලා කියද්දීත් තරග තුනක් දිනා ගත්තා. ඒ වගේම කණ්ඩායමට හොඳ නායකයෙක් හඳුනා ගත්තා. අවිශ්ක ප්‍රනාන්දු වගේ හොඳ ක්‍රීඩකයන් කීපදෙනෙකුත් හොයා ගත්තා.” යනුවෙන් පවසනවා.

නමුත් මෙම හරින් නැමති ඇමති වරයාද මිට පෙර පුද්ගලික කාරනා මත මාලිංග ගෙදර යැවීමට උත්සහා කල දයාසිරි නම් පුද්ගලයා හා සමාන දේශපාලන ශරීරයකි. ඒ මොහුද එලියට බැස එඩිතර තීරණ ගන්න එතරම් හයියක් ඇති අයෙක් නොවේ. මොහුගේ දිස්ත්‍රික්කය වන බදුල්ල දිස්ත්‍රික්කයේ පළාතේ නොයන මොහු එපලාතේ මිනිසුන් ප්‍රශ්න රැගෙන මොහු හමුවීමට එන විට දොර වසාගෙන සැතපි ඇමති ගෙදර නැතැයි පණිවිඩ යවන දෙකයි පනහේ දේශපාලන චරිතයකි.

පගාවට ලෝක කුසලාන කණ්ඩායම තෙරු බව ඉන්දියන් වෙබ් අඩවි හෙළි කලත් තේරුම් කමිටුව ලෝක කුසලානයෙන් පසු වෙනස් කිරීමට මොහු අදහස් නොකරන බව පවසන අතර කීප දෙනෙක් වෙනස් කිරීමට යයි. මොහුට එතරම්වත් හයියක් ඇති අයකු නොවන අතර මොහු නිතර තීරණ ගන්නා ස්තාන වල හැසිරෙන්නේ බාලන්සේ ළමයකු මෙනි. එනිසා මේ ළදරු ක්‍රීඩා ඇමතියා ඉන්නා තුරුද ක්‍රිකට් ක්‍රීඩාවේ දැවැන්ත මාෆියාවට මුහුණ දීමට නොහැකි අතර තේරුම් කමිටුවවත් පුහුණුකරුවත් ඉවත් කිරීමට තරම් මොහුට හැකියාවක් නැති අතර ක්‍රිකට් පාලකයන් තමන්ට අවශ්‍ය ආකාරයට වෙනස්කම් අනිවරෙන් කරනු ඇති.

මේ එකෙකුටවත් සංගා මහේල අරවින්ද මුරලි මහානාම වැනි දැවැන්ත ක්‍රිකට් චරිත යෝජනා කර ඇති නුතන ක්‍රිකට් වෙනස් කම් කිරීමට තරම් උවමනාවක් හෝ කොන්දක් නැති අතර 2023 වන විට සිම්බාබ්වේ ක්‍රිකට් වලට සිදුවුවා මෙන් ලෝකයට වීරයන් බිහිකළ කණ්ඩායම අනාත වී යාම නතර කල නොහැකි. රටේ සියලුම ක්ෂේත්‍ර අන්තයටම පිරිහී තිබියදී ක්‍රිකට් විතරක රැක ගැනීම හීනයක් පමණක් වන අතර දෙයක් තනිව තීරණය කල හැකි අයෙක්ට කිසිදා ඉන්න හිතෙන රටක් නොවන බව දැන් ලංකාව පත්වී ඇත.

LEAVE A REPLY