දුෂිත පාලනය හා දේශපාලන ඇගිලි ගැසීම් නිසා සිම්බාබ්වේ ක්‍රිකට් අවසන්

0
132

ජාත්‍යන්තර ක්‍රිකට් කවුන්සිලයේ විධායක නිලධාරීන් ඇතුළු සාමාජිකයින්ගේ විශේෂ හමුවක් අද (19) එංගලන්තයේ ලන්ඩන් නුවර දී පැවැත්වුණු එහි දී වහාම ක්‍රියාත්මක පරිදි සිම්බාබ්වේ ක්‍රිකට් කණ්ඩායමේ ඇතුළු තවත් ක්‍රිකට් කණ්ඩායම් කිහිපයක සාමාජිකත්වය අත්හිටුවීමට තීරණය කර ඇත.

ජාත්‍යන්තර ක්‍රිකට් කවුන්සිලයේ පූර්ණ කාලීන සාමාජිකයෙක් වූ සිම්බාබ්වේ කණ්ඩායමට මේ අවාසනාවන්ත ඉරණමට දීමට සිදුව ඇත්තේ ජාත්‍යන්තර ක්‍රිකට් කවුන්සිලයේ නීති රෙගුලාසි පද්ධතියේ 2.4 c හා d යන වගන්තිවලට පිටුපා යමින් සිම්බාබ්වේ ක්‍රිකට් ආයතනය විසින් නිදහස් හා ප්‍රජාතන්ත්‍රවාදී මැතිවරණයක් සඳහා ක්‍රියාවලියක් සැපයීමට අපොහොසත් වීම සහ ක්‍රිකට් සඳහා පිළිවෙළින් එහි පාලනය සහ හෝ පරිපාලනය සඳහා රජයේ මැදිහත්වීමක් නොමැති බව සහතික කිරීම සඳහා අපොහොසත් වීම යන කරුණු කාරනා සැලකිල්ලට ගනිමිනි.

ඒ අනුව ජාත්‍යන්තර ක්‍රිකට් කවුන්සිලය විසින් පවත්වනු ලබන කිසිදු ජාත්‍යන්තර මට්ටමේ තරගාවලියක් හෝ තරග ඉසව්වක් සඳහා ඔවුන්ට සහභාගී වීමට නොහැකි අතර ජාත්‍යන්තර ක්‍රිකට් කවුන්සිලය විසින් ඔවුන්ට ගෙවනු ලබන දීමනා ඇතුළු සියලුම වරප්‍රසාද අහිමි වී යනු ලැබේ.

මේ වන විට තේරී පත් වූ සිම්බාබ්වේ ක්‍රිකට් පාලක මණ්ඩලය මාස තුනක් ඇතුළත නැවත සේවයේ පිහිටුවන ලෙස අන්තර්ජාතික ක්‍රිකට් කවුන්සිලය විසින් ඔවුන්ට දන්වා තිබෙන අතර එහි ප්‍රගතිය සලකා බලා ඔක්තෝබර් මාසයේ දී පවත්වනු ලබන පාලක මණ්ඩල රැස්වීමේ දී ඔවුන්ගේ සාමාජිකත්වය නැවත වතාවක් සලකා බලනු ඇත.

ජාත්‍යන්තර ක්‍රිකට් කවුන්සිලය විසින් මෙම විශේෂ තීරණය ගැනීමට පෙර සිම්බාබ්වේ රජයේ සහ සිම්බාබ්වේ ක්‍රිකට් බලධාරීන් වෙත මේ සම්බන්ධව දැනුවත් කර තිබේ.

අන්තර්ජාතික ක්‍රිකට් කවුන්සිලයේ සභාපති ශෂාන්ක් මනෝහර් මහතා මේ සම්බන්ධව මෙසේ පැවසීය. “අපි සාමාජිකයෙකුගේ සාමාජිකත්වයක් ඕනවට එපාවට අත්හිටුවීමට තීරණය කරන්නේ නැහැ, නමුත් අපි අපේ ක්‍රීඩාව දේශපාලන මැදිහත්වීමෙන් තොරව තබා ගත යුතුයි. සිම්බාබ්වේ හි සිදුවී ඇත්තේ අන්තර්ජාතික ක්‍රිකට් කවුන්සිලයේ ආණ්ඩුක්‍රම ව්‍යවස්ථාව බරපතළ ලෙස උල්ලංඝනය කිරීමක් වන අතර එය තවදුරටත් පාලනයකින් තොරව කරගෙන යාමට අපට ඉඩ දෙන්න පුළුවන් කමක් නැහැ.”

මීට අමතරව ජාත්‍යන්තර ක්‍රිකට් කවුන්සිලයේ අර්ධ කාලීන සාමාජිකයින් ලෙස කටයුතු කරන ක්‍රොඒෂියා ක්‍රිකට් සම්මේලනය සහ සැම්බියා ක්‍රිකට් සංගමය යන දෙකම අන්තර්ජාතික ක්‍රිකට් කවුන්සිලයේ සාමාජිකත්ව නිර්ණායකයන්ට අනුකූල නොවීම හේතුවෙන් අත්හිටුවා තිබේ.

මොරොක්කෝ රාජකීය ක්‍රිකට් සම්මේලනය අන්තර්ජාතික ක්‍රිකට් කවුන්සිලයේ සාමාජිකත්ව නිර්ණායක 2.2 (b) (ii), 2.2 (b) (iii), 2.2 (b) (iv) සහ 2.2 (e) (i) යන වගන්ති දිගින් දිගටම කඩ කිරීම නිසා අන්තර්ජාතික ක්‍රිකට් කවුන්සිලයේ සාමාජිකත්වයෙන් නෙරපා ඇත.

ශ්‍රී ලංකාවේද පසුගිය අවුරුද්දේ මෙවැනිම අනතුරු ඇගවීමක් කර තිබු අතර තරග පාවා දීම වැනි සිද්දි බහුල වීම නිසා ලොව ප්‍රථම වතාවට දුෂණ මර්ධන නේවාසික කාර්යාලයක් මේ වන විට ලංකාවේ පිහිටවාද තිබෙනවා. ලංකාවේ දුෂිත මාෆියා කරුවන් එකතුවී යම් දිනක රටට ඇති එකම සන්නම් නාමය වන ක්‍රීඩාව සිම්බාබ්වේ ඉරණම කරාද ගෙන ගියහිත් එය පුදුම වීමට කාරණයක් නොවේ.

LEAVE A REPLY